Ingen nye samtaler mellom Indre Sjø og ImF

SEGLAR VIDARE: Den Indre Sjømannsmisjon ynskjer ikke å ta opp at samtalene med ImF om nærare samarbeid eller fusjon. FOTO: VILHELM VIKSØY

Av Vilhelm Viksøy

Det er klart etter at Landsmøtet som vart avhalde på Bildøy 3.-6.aug, forkasta framlegget frå Oslo og Østfold krets, Vestfold krets og styret for Oslo Sjømannskirke om å ta opp att forhandlingane. Framlegget fall med 59 mot 47 stemmer.

Ynskje om nye samtaler vart fremma berre eitt år etter at landsmøtet på Rødde sa nei til same forslaget. Fleire landsmøtedelegatar meinte difor det var respektlaust å fremja same forslaget på ny så kort tid etter. Forslagstillarane på si side, grunna dette i at vedtaket i fjor også bar med seg ei lang rekkje lovnadar om økonomisk innstraming og auka gjeverteneste. Dei kunne ikkje sjå at situasjonen var blitt til det betre og ville derfor gje samtalane med ImF ein ny sjanse, særleg med tanke på behovet for rekruttering og fornya ungdomsarbeid.