Sambåndet

Fredag 22. september 2017
RSS

– Bibelcampen blir endå betre

Av Øystein Lid Kenneth Foss fortel at dei positive tilbakemeldingane frå foreldre og deltakarar på Ungdomscampen og Kidz Camp skuldast ei kraftig nivåheving som tok til for to år sidan, og vart vidareført i år. Men Foss og dei andre leiarane i ImF-UNG er opptekne av at dette ikkje må verta ei kvilepute. Dei har […]

Av admin. Publisert 28. september 2008.

 

Av Øystein Lid

Kenneth Foss fortel at dei positive tilbakemeldingane frå foreldre og deltakarar på Ungdomscampen og Kidz Camp skuldast ei kraftig nivåheving som tok til for to år sidan, og vart vidareført i år.

Men Foss og dei andre leiarane i ImF-UNG er opptekne av at dette ikkje må verta ei kvilepute. Dei har i staden bestemt seg for å gjera det endå betre. Frå nyttår av trer difor Edvard Thormodsæter inn i 20 prosent stilling som tenåringskonsulent med ansvar for ungdomscampen 2009. Han tek over etter Thore Søvik som var tilsett i 10 prosent. Lisbeth Hjortland får ansvaret for Kidz Camp, der det også har funne stad ei kvalitetsheving.
– Me befinn oss i ein veldig god situasjon, men samstundes gjeld det å halda nivået oppe. Og no føler me at me har fått veldig gode folk på plass som kan greia den jobben, seier Foss.

Fornyingsprosess
Lisbeth Hjortland samstemmer i at utfordringa ligg i å vidareføra eit allereie godt arbeid.
– Me må vera i ein kontinuerleg prosess av fornying. Korleis kan me greia å gjera Kidz Camp endå betre? spør Hjortland. Planlegginga vert det aller viktigaste; og allereie no tek planane form. Andakt, kulisser, utveljing av songar – alt må vera på plass i god tid i førevegen. Kvalitetshevinga som har funne stad er også avhengig av at talet på leiarar under Kidz Camp er dobla, frå seks til tolv.

Saka held fram under biletet

  
PRIMUS MOTOR: Lisbeth Hjortland, alias Loffen, er oppteken av å gjera den populære Kidz Camp på Lyngdal Bibelcamp endå betre. Planlegginga er alt i gong. FOTO: VILHELM VIKSØY

Oase
Den ferske ImF-UNG-tilsette Edvard Thormodsæter seier til Sambåndet at han ynskjer å styrka bibelpreget på Ungdomscampen.
– Sommaren har lett for å bli ei turketid. Eg håpar å vera med på å gjera sommaren til ein oase i staden, seier Thormodsæter som også reiser rundt som forkynnar for ImF i haust.
– Eg vil at ungdomscampen også skal bli ein bibelcamp, at me også kan skriva under på visjonen som gjeld for Bibelcampen. Det skal ikkje berre vera ferie, men også åndeleg påfyll, undervising og møte mellom kristne ungdommar, seier han.

 

Ingen kommentarer »

Skriv en kommentar

Det er forskjell på hvordan Gud kommuniserer «i fordums tid» og i «disse siste dager».

Sloveneren Primoz Roglic klatret i går inn til tempo-sølv i sykkel-VM. Oppladningen hadde han på ImF Midthordland sitt leirsted, Fjell-ly.

Tidligere statsminister Kjell Magne Bondevik og forfatter og forkynner Asle Hetlebakke er blant gjestene når Molde folkehøgskole denne uken skal feire 100-årsjubileum.

Bygda Hellevik i Fjaler kommune har vært uten skole siden 2006. Nå blir det kanskje skole i bygda igjen.

Arild Ove Halås i Nordmøre og Romsdal Indremisjon blir ny medarbeider i Sunnmøre Indremisjon fra høsten 2018.

Copyright © Sambåndet 2017