Sambåndet

Tirsdag 28. januar 2020
RSS
NY LEIAR: Vegard Soltveit (30) tek over som generalsekretær i Den Norske Israelsmisjon ved årskiftet. FOTO: Den Norske Israelsmisjon

Vegard Soltveit ny general-sekretær i Israelsmisjonen

Den noverande assisterande generalsekretæren tar over etter Rolf Gunnar Heitmann som generalsekretær frå 2020.

Skrevet av Ingunn Marie Ruud, Kristelig Pressekontor den 11. september 2019.

Landsstyret i Den norske Israelsmisjon har tilsett Vegard Soltveit som ny generalsekretær i organisasjonen. Soltveit tar frå kommande årsskifte over etter Rolf Gunnar Heitmann, som går frå stillinga etter 22 år.

– Eg synest visjonen og formålet til Israelsmisjonen framleis er like sentrale som dei har vore i 175 år. Vi skal vera ein misjonsorganisasjon med eit heilskapleg misjonsarbeid i samarbeid med internasjonale partnarar, seier Vegard Soltveit til Kristeleg Pressekontor.

Han gir ros til forgjengaren sin som han no skal fylla skorne til.

– Rolf Gunnar er ein utruleg flott person som er både kunnskapsrik og audmjuk. Han er flink til å sleppa andre til, og eg ser fram til å fortsetja å samarbeida med han, seier Soltveit.

Vegval

Vegard Soltveit er fødd i 1989 og har vore assisterande generalsekretær i Israelsmisjonen frå 2016. Der har han òg vore sterkt involvert i ein vegvalsprosess som framleis føregår.

– Norge og norske kyrkjesamfunn ser annleis ut i 2019 enn dei gjorde i 1844. Utfordringa blir å vera ei rørsle som rører i Norge, samtidig som vi driv godt arbeid ute og deler evangeliet med respekt og kjærleik til det jødiske folket, seier han.

Soltveit framhevar nettverksbygging både ute og heime som viktige moglegheiter, og dessutan å styrka det frivillige arbeidet.

– Betydeleg erfaring

Soltveit har tidlegare vore ungdomsarbeidar i Indremisjonsforbundet Sør, og hatt mindre stillingar i Laget og Indremisjonsforbundet. Han er utdanna med mastergrad i kristendom og historie og har òg leiingsutdanning.

– Landsstyret er glad for at Vegard Soltveit har svart ja til utfordringa om å gå inn som Israelsmisjonens nye leiar. Trass den unge alderen sin har han betydeleg erfaring frå ulike leiaroppgåver, og han er godt kjent i den kyrkjegeografien som organisasjonen rører seg i, skriv landsstyret i ei pressemelding og held fram:

– Både utdanning og erfaring gir relevant kompetanse for tenesta som generalsekretær. Åra som assisterande generalsekretær har gjort han godt kjend med tilsette og frivillige medarbeidarar rundt om i organisasjonen. Hen er trygt forankra i Israelsmisjonens visjon og verdiar. KPK

Ingen kommentarer »

Skriv en kommentar

Leder i Awana Norge, Anne Lene Otterøen, inviterer til ny Awana-konferanse der visjonen vil ligge enda sterkere som basis for undervisningen enn tidligere.

På Mosby bedehus begynte man med bibelkurs i 1920, og det skal markeres med sang- og musikkveld 100 år senere.

Egill Danielsen Stiftelse har nå sendt inn planforslag for en tre parallellers ungdomsskole på Karmøy som totalt skal romme 270 elever og ca. 26 årsverk.

Kristne studenter på vei inn i arbeidslivet famler for å finne en visjon for yrkeslivet sitt, men får lite hjelp i kirken, mener Tim VIckers. Skolelagsbevegelsen forsøker å hjelpe dem.

ImF-ledelsen står fast på synet om at det bare er «egnede menn» som kan kalles til å sitte i en forsamlings eldsteråd.

Copyright © Sambåndet 2020