Mot avklaring om kvinnelege vigslarar

I helga innstilte ImF-styret på å seia «ja» til kvinnelege vigslarar, men det er styret i trussamfunnet som avgjer saka.

Tittel

Det var i årsrapporten for ImF Trussamfunn for 2020 spørsmålet om kvinner kan stå for vigsel, først vart stilt. Sambåndet skrev i om saka i nr. 11/21.

Trussamfunnslova nytta først «forstandar» om dei som kan ha vigselsrett. Styret for ImF Trussamfunn knytta denne tittelen opp til funksjon som forsamlingsleiar/hovudpastor, som ImF, etter si teologiske overtyding, kallar menn inn i. Når tittelen vart endra til «vigslar», sette styret i gong ei vurdering om oppgåva kunne løysast av begge kjønn.

Ynskte endring

Det tidlegare styret i ImF Trussamfunn (Erik Furnes, Torgeir Lauvås, Lisbeth Hjortland og vara Kjerstin Stokken) innstilte overfor lære- og tilsynsrådet i ImF om å opna for kvinnelge vigslarar. I samband med Misjonsrådet i 2024 gjekk også fleirtalet av vigslarane inn for ei slik endring.

Det noverande styret i trussamfunnet, der Anja Ulveseth Heggen er komen inn i staden for Erik Furnes) har oppmoda om at prosessen blir ført vidare.

Lære- og tilsynsrådet

4. mars i år vart saka lagt fram for lære- og tilsynsrådet i ImF, som gjorde dette vedtaket:

«Lære- og tilsynsrådet anser det som en forutsetning at de som skal opptre som vigsler på vegne av ImF Trossamfunn, allerede er gitt tillit gjennom sentrale lederoppgaver lokalt og sentralt.

Vi anser ikke at oppgaven som vigsler må forstås som en eldste-/tilsynsoppgave, og er derfor åpne for at også kvinner med nødvendig tillit i organisasjonen, kan ivareta denne oppgaven.

Denne saken berører samtidig vår forståelse av hvilke oppgaver som naturlig skal ligge under eldste og tilsynstjenester i ImF, og vi oppfordrer derfor til at det utarbeides et dokument som kan fungere som veileder for disse oppgavene.»

ImF-styret

7.-8. mars var ImF-styret samla til møte, der saka om vigslarar stod på dagsordenen. Eit samrøystes styre gjorde vedtaket med ordlyd som liknar på den lære- og tilsynsrådet brukte. Dette er ei endeleg innstilling frå ImF til styret i ImF Trussamfunn:

«1) Styret takker for innstillingen fra lære- og tilsynsrådet og støtter denne.
2) Lære – og tilsynsrådet anser at oppgaven som vigsler ikke må forstås som en eldste-/tilsynsoppgave og åpner med dette opp for at kvinner med nødvendig tillit i organisasjonen, kan ivareta denne oppgaven.

5) Ut fra vedtektene for ImF Trossamfunn er det ImF Trossamfunn som endelig vedtar dette.»

Tilrådinga frå ImF-styret no endrar med andre ord ikkje noko på ImF sitt syn på menn og kvinners teneste.

Styremøte

Styreleiar i ImF Trussamfunn, Anja Ulveseth Heggen, opplyser at ho vil kalla inn til styremøte med det første. Det er grunn til å tru at trussamfunnet vil seia eit endeleg «ja» til kvinnelege vigslarar.