Han blir ny leiar for Tro & Medier

Haugland vert til hausten generalsekretær i Indremisjonsforbundet (ImF), medan Tobiassen ifylgje ei pressemelding frå Tro & Medier, startar i halv stilling som dagleg leiar frå 1. oktober og tiltrer for fullt frå årsskiftet.

ImF er ein av medlemsorganisasjonane i Tro & Medier.

Forfattar

46-åringen har ein mastergrad i systematisk teologi frå MF vitenskapelig høyskole og har i fleire år vore hovudpastor i Østsida Frikirke i Kristiansand. Ved sida av har han hatt ei 20 prosents stilling som høgskulelektor ved NLA Høgskolen i Kristiansand.

Tobiassen er ein aktiv trusformidlar og skreiv i 2023 boka 17 grunner til at jeg er kristen.

– Tydeleg

– Vi er svært glade for å få Rune med på laget. Han kombinerer solid teologisk ballast med tydeleg kommunikasjon og stort engasjement for evangeliet i møte med mediene, seier Tro & Medier sin styreleiar, Per Byrknes.

Kall

– Tro & Medier har eit viktig kall i vår tid, og eg brenn for å gjere Jesus synleg i mediene og for å bidra til å vere ei tydeleg, varm og samlande kristen røyst, seier Rune Tobiassen.

– Eg trur mange lengtar etter freden berre Jesus kan gi, men takkar nei til bodskapen eller innpakninga. Her har vi eit kall som kyrkje og medieaktør, seier han vidare. KPK